05/09/2023 ~ 05/09/2023
ລະບົບການບໍລິການຂໍ້ມູນອຸຕຸກະເສດໃນປະເທດລາວ (LaCSA)
ກ່ຽວກັບການແຈ້ງເຕືອນໄພແຫ້ງແລ້ງລະດັບຊາດ/Laos Climate Services
for Agriculture (LaCSA) now includes National Level Drought Alerts.
ໂດຍ ກົມອຸຕຸນິຍົມ ແລະ ອຸທົກກະສາດ
ພາບລວມ
ໄດ້ເພີ່ມຟັງຊັນໃໝ່ເຂົ້າໃນລະບົບ ຄື: ການແຈ້ງເຕືອນໄພແຫ້ງແລ້ງລະດັບຊາດ LaCSA ໃຫ້ກວມເອົາການແຈ້ງເຕືອນໄພແຫ້ງແລ້ງ, ອົງການອາຫານ
ແລະ ການກະເສດແຫ່ງສະຫະປະຊາຊາດ ຫຼື FAO ໄດ້ເຮັດວຽກຮ່ວມກັບກົມອຸຕຸນິຍົມ ແລະ ອຸທົກກະສາດ ແລະ ກົມການປ່ຽນແປງດິນຟ້າອາກາດ,
ຂອງກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ. ຜົນທີ່ໄດ້ຮັບຄືເຄື່ອງມືໃໝ່ທີ່ສ້າງ ແຜນທີ່ຄວາມສ່ຽງຕໍ່ໄພແຫ້ງແລ້ງ ແລະ ຂໍ້ມູນທີ່ກ່ຽວຂ້ອງ
ລະດັບປະເທດ ໂດຍອັດຕະໂນມັດ. ຟັງຊັນໃໝ່ນີີ້ໃຊ້ການພະຍາກອນ ລະດູການຂອງປະເທດ ເພື່ອສະແດງພາບການເຕືອນໄພລ່ວງໜ້າແບບງ່າຍດາຍ
ສຳລັບໄພພິບັດທາງກະສິກຳ ເຊັ່ນ: ໄພແຫ້ງແລ້ງ ແລະ ຄື້ນຄວາມຮ້ອນ. ເນື່ອງຈາກໄພພິບັດເຫຼົ່ານີ້ ມີອິດທິພົນຕໍ່ຄວາມສ່ຽງຂອງສັດຕູພືດ ແລະ ພະຍາດ
ເຊິ່ງເຄື່ອງມືໃໝ່ນີ້ເປັນການແຈ້ງເຕືອນ ລະດັບຊາດສຳລັບສິ່ງເຫຼົ່ານີ້, ເຄື່ອງມື LaCSA ໃໝ່ນີ້ ເໝາະສຳລັບການເບິ່ງຜ່ານຈໍໂທລະພາບ ເພາະມັນສາມາດ
ຊ່ວຍໃຫ້ຜູ້ໃຊ້ ສາມາດເບິ່ງເຫັນ ແລະ ເຂົ້າໄປນຳໃຊ້ໄດ້ຢ່າງງ່າຍ ໃນລະດັບເມືອງ ແລະ ແຂວງ.
ໂຄງການສ້າງຄວາມເຂັ້ມແຂງໃຫ້ແກ່ລະບົບຂໍ້ມູນຂ່າວສານ ແລະ ການຕິດ ຕາມສະພາບອຸຕຸກະເສດ ເພື່ອຊ່ວຍໃນການປັບຕົວເຂົ້າກັບ ການປ່ຽນແປງດິນຟ້າ
ອາກາດ ແລະ ການຄໍ້າປະກັນສະບຽງອາຫານ ຢູ່ ສປປ ລາວ ຫຼື SAMIS ທີ່ໄດ້ຮັບທຶນສະໜັບສະໜູນຈາກກອງທຶນສິ່ງແວດລ້ອມໂລກ GEF ໄດ້ຈັດຕັ້ງ
ປະຕິບັດວຽກງານມາ 5 ປີແລ້ວ ເຊິ່ງໂຄງການດັ່ງກ່າວແມ່ນຈັດຕັ້ງປະຕິບັດໂດຍ FAO ແລະ ກົມອຸຕຸນິຍົມ ແລະ ອຸທົກກະສາດ ຮ່ວມກັບ ກົມຄຸ້ມຄອງ ແລະ
ພັດທະນາທີ່ດິນກະສິກຳ. ນອກຈາກນີ້, ຍັງມີກົມການປ່ຽນແປງດິນຟ້າອາກາດ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ; ສະຖາບັນຄົ້ນຄວ້າ
ກະສິກຳ, ປ່າໄມ້ ແລະ ພັດທະນາຊົນນະບົດ, ສູນປ້ອງກັນພືດ, ກົມປູກຝັງ, ພະແນກແຜນການ ແລະ ການຮ່ວມມື, ກົມແຜນການ ແລະ ການຮ່ວມມື,
ກະຊວງກະສິກຳ ແລະ ປ່າໄມ້.
ເບິ່ງເພີ່ມເຕີມທີ່ ເວັບໄຊ ຟັງຊັນໃໝ່ ໃນລະບົບການບໍລິການຂໍ້ມູນອຸຕຸກະເສດໃນປະເທດລາວ (LaCSA) ກ່ຽວກັບການແຈ້ງເຕືອນໄພແຫ້ງແລ້ງລະດັບຊາດ/Laos Climate Services for Agriculture (LaCSA) now includes National Level Drought Alerts – https://www.maf.gov.la
Overview to LaCSA by CHARUDA | Power by CANVA | Contact email: charuda@mtc.gov.la