ຈົດໝາຍເຫດທາງລັດຖະການ ຂອງ ສປປ ລາວ

ພາບລວມ

ຈົດໝາຍເຫດທາງລັດຖະການ ແມ່ນ​ເອ​ກະ​ສານ​ທາງ​ການ​ຂອງ​ລັດ ທີ່​ເປັນ​ຮູບ​ແບບ​ເອ​ເລັກ​ໂຕ​ຣ​ນິກ ໃນ​ລະ​ບົບ​ອິນ​ເຕີ​ເນັດ
ຊຶ່ງ​ເປັນ​ບ່ອນ​ລົງ​ບັນ​ດາ​ນິ​ຕິ​ກຳ ທີ່ໄດ້ປະກາດໃຊ້ແລ້ວ ຫຼື ເອົາຮ່າງນິຕິກໍາ ເພື່ອໃຫ້​ສາ​ທາ​ລະ​ນະ​ຊົນ​ຮັບ​ຮູ້ ແລະ ຈັດ​ຕັ້ງ​ປະ​ຕິ​ບັດ
ຫຼື ເພື່ອທາບທາມຄໍາເຫັນ.

ນິ​ຕິ​ກຳ​ທີ່​ຈະ​ເອົາ​ລົງ​ໃນ​ຈົດ​ໝາຍ​ເຫດ​ທາງ​ລັດ​ຖະ​ການ ​ແມ່ນ​ບັນ​ດາ​ນິ​ຕິ​ກຳ​ທີ່​ມີ​ຜົນ​ບັງ​ຄັບ​ທົ່ວ​ໄປ ຕາມ​ທີ່​ໄດ້​ກຳ​ນົດ​ໄວ້​ໃນ
​ກົດ​ໝາຍ​ວ່າ​ດ້ວຍ​ ການ​ສ້າງ​ນິ​ຕິ​ກຳ ຍົກ​ເວັ້ນ​ບັນ​ດານິ​ຕິ​ກຳ​ຂັ້ນ​ເມືອງ ແລະ ຂັ້ນ​ບ້ານ ​ທີ່​ມີ​ຜົນ​ນຳ​ໃຊ້​ສຳ​ລັບ​ສະ​ເພາະ​ຂອບ​ເຂດ​ເມືອງ
ແລະ ບ້ານ​ຂອງ​ຕົນ​ເທົ່າ​ນັ້ນ.

ເນື້ອໃນ​ເວັບ​ໄຊ​ ແລະ ຂັ້ນຕອນທາງດ້ານກົດໝາຍ ມີທັງເປັນພາສາລາວ ແລະ ພາສາອັງກິດ ແຕ່ວ່າ ປັດຈຸບັນ ນິຕິກຳທີ່ພິມລົງໃນ
ຈົດໝາຍເຫດທາງລັດຖະການ ມີພາສາອັງກິດຈໍານວນໜຶ່ງ. ນອກຈາກນີ້ ຖ້າທ່ານມີຄວາມສົນໃຈນິຕິກໍາທີ່ເປັນພາສາອັງກິດຕື່ມ
ພວກຂ້າພະເຈົ້າ ຂໍແນະນຳໃຫ້ທ່ານ ເຂົ້າໄປເບິ່ງສູນຂໍ້ມູນຂ່າວສານທາງດ້ານການຄ້າ(Lao Trade Portal) ຊຶ່ງຢູ່ໃນນັ້ນ ມີນິຕິກຳ
ຈຳນວນໜຶ່ງທີ່​​ແປເປັນພາສາອັງກິດແບບບໍ່ເປັນທາງການ ແລະ ​ເວັບ​ໄຊ​ທ໌ຂອງ ສະພາແຫ່ງຊາດ ຊຶ່ງມີນິຕິກໍາຈໍານວນໜຶ່ງ
ທີ່ໄດ້ແປເປັນພາສາອັງກິດແບບບໍ່ເປັນທາງການ​ເຊັນ​ດຽວກັນ.

ເຂົ້າເວັບໄຊ https://laoofficialgazette.gov.la/